Khaws koj qhov kev tuav pov hwm cia

11/01/2023

Cov txheej txheem hauv tsoomfwv raws cai qauv nqua thov kom txuas sijhawm rau koj qhov kev tsim nyog tau txais is saws las kho mob txhua xyoo. Minnesota twb pib cov txheej txheem kev txuas sijhawm lawm. Nov yog yam uas koj npaj siab tseg thiab yam uas koj tuaj yeem ua tau.

Kho koj cov xov xwm tiv tauj kom yog. Nco ntsoov qhia rau peb paub yog tias koj qhov chaw nyob hloov lawm. Mus saib Cheeb Nroog Hennepin ntawm hennepin.us/health-care-assistance lossis hu rau peb qhov Chaw Pab Cuam Tswvcuab ntawm 612-596-1036, TTY 711. Yog tias koj muaj MinnesotaCare, tiv tauj rau qhov Chaw Txhawb Nqa Neeg Siv Kev Pab Cuam Kho Mob (Health Care Consumer Support) ntawm 651-297-3862 lossis 800-657-3672.
Saib xyuas cov xov xwm txog qhov yuav ua li cas thiaj ceev tau koj qhov Medical Assistance lossis MinnesotaCare. Thaum txog koj lub sijhawm los mus txuas sijhawm, ces lub Chaw Ua Haujlwm Pab Cuam Tib Neeg hauv Minnesota (DHS, Minnesota Department of Human Services) yuav xa ib tsab ntawv ceeb toom thiab ib pob ntawv uas muaj cov lus qhia tuaj rau koj. Nrhiav lub tsev ntawv uas muaj lub voj voog xim xiav uas sau hais tias “Important information enclosed (Xov xwm tseem ceeb). ”Nco ntsoov teb rov qab kom ncav sijhawm.
Rub koj cov ntaub ntawv txuas sijhawm tshiab uas sau tiav hauv online. Xa koj qhov kev txuas sijhawm tshiab raws kev xa email lossis kev rub koj cov ntaub ntawv thov nkag rau ntawm Hennepin County InfoKeep. Koj kuj tseem tuaj yeem rub cov ntawv scan lossis cov duab ntawm koj cov ntaub ntawv nyob rau ntawm Uploads / Minnesota Department of Human Services (mn.gov).
Npaj tos. Npaj txuas sijhawm los ntawm kev mus saib hauv mn.gov/dhs/renewmycoverage. Teb koj cov lus nug thiab paub txog hais tias thaum twg thiaj txog koj qhov kev txuas sijhawm kev tsim nyog.Paub txog hais tias thaum twg yog koj lub sijhawm los mus txuas sij hawm ntxiv uas yog siv lub cuab yeej tshawb nrhiav txog kev txuas sij hawm ntawm mnrenewallookup.com.

Peb pab tau

Koj tuaj yeem ceev koj qhov kev npaj kho mob ntawm Hennepin Health. Peb xav pab koj kom tsis txhob plam koj qhov is saws las kho mob thiab kom tsis txhob muaj kev cuam tshuam hauv kev mus ntsib koj tus kws kho mob lossis kev sau daim ntawv yuav tshuaj.

Hloov kho koj qhov chaw nyob kom paub tseeb tias koj tau txais koj pob ntawv
Tau txais ib pob ntawv tshiab xa tuaj rau koj yog tias koj xav tau
Teb cov lus nug txog koj qhov kev tuav pov hwm

Xav tau kev pab sau cov ntaub ntawv puas yog? Qhov Chaw Pab Cuam Tswv Cuab tuaj yeem pab koj nrhiav ib tug neeg coj kev ntawm MNsure lossis nrhiav ib tug hauv online ntawm Help from a Navigator / MNsure. Cov tswv cuab uas tsim nyog tau txais tuaj yeem caij tsheb dawb mus rau ntawm qhov chaw teem cain ntsib koj tus neeg coj kev los ntawm kev hu xov tooj rau lub Chaw Pab Cuam Tswv Cuab ntawm 612-596-1036.

Yog tias koj plam kev tsim nyog

Hais txog cov tswv cuab uas yuav tsis tsim nyog rau Kev Pab Kho Mob (Medical Assistance) lossis MinnesotaCare mus ntxiv lawm, ces koj tuaj yeem mus yuav kev fajseeb kho mob nyob rau ntawm mnsure.org. Tej zaum koj kuj yuav tsim nyog rau ib qho kev ntseeg siab fab kev them se lossis cov nqi txo ntawm kev koom them nqi. MNsure navigators tuaj yeem pab tau. Siv ib daim ntawv qhia chaw uas nyob ze koj: English Hmong Russian Somali Spanish Vietnamese